استفسار مهم

سوناتا وراتب 3500 لو راتب 15 الف وش تاخذ 
ياخي الكريم راتب ضعيف لاتضغط على نفسك اخذ اكسنت قصدها حلو 

ان طلع لك اكسنت قول الحمد لله اشتري سيارة على قد الحال ب 15000 اكسنت مستعملة لين الله يرزقك وانا اخوك اذا بتقسط موتر ب 1000 وش بقى من راتبك ؟؟؟؟؟؟ 

تطلع لك سوناتا بس يلزمك مقدم حلو علا أساس يتناسب القصد مع الراتب 

بعد العيد تروح وكالة هيونداي وتقوله علي السياره اللي تبيها عن طريق الاهلي
وهو يحسبها لك ويطبع لك ورقه فيها الحسبه كامله كم تدفع مقدم وكم القسط الشهري وكم الدفعه النهائيه
لكن احتمال كبير راح يطلبوك دفعه مقدمه لاتقل عن 10آلاف

تاخذها وتدفع مقدما ويلهفه البنك وتبداء تنبسط واتقسط
بعد شهر شهرين قول ثلاثة تبداء تنظغط
بعدين نحصلك بموقع حراج يوجد سوناتا للتنازل بدون مقابل
ماهو مسخرة او طقطقة هذا الواقع انتشرة سالفة تنازل بدون
مقابل كله ان الواحد مايمد رجوله علا قد الحافة
وباالتوفيق

الله يفرجها عليك وعلينا وعلى كل المسلمين

ماراح ازيد على كلام الحبايب بس وانا اخوك لا تورط نفسك باقساط لانه لو البنك قسطها عليك رايح تدفع قد قيمة السيارة مرة ونص
واحد من الارحام اشترى سيارة عن طريق البنك دفع 40 الف زيادة

خذ سيارة جيلي الصينيه رخيصة وجديدة وقسطها رخيص بشرط اذا اخذت المقاس الصغير عاد ماعرف اسمائها المهم سيارة جديدة قسط تقدر عليه وتغنيك عن الورش

انتظر دوام البنوك ورح اسأل بنفسك

ياخي راتبك ٣٥٠٠ 
والله لو راتبي كذا لأطلع ارخص سيارة 
مد رجليك لى قد لحافك وش لك وللديون خذلك شي قصده ٩٠٠ ولا ٨٠٠
ليش تنشب عمرك في قصد قد يكون نص راتبك
والله ما تحس بمرارتها الا اذا عدا كم شهر وانت تقصد وتتمنى انك ما طلعتها

نصيحة لوجه الله من اخ لاخوه. مد لحافك على قد رجولك 
لاتضغط على نفسك بقسط عالي وراتبك ضعيف واخرتها تدور احد يتقبلها منك 
وضع الحياه صاير اصعب من اول والحصول على الماده صاير صعب والناس ماترحم الا من رحم الله 

اذا ماعندك التزامات ولا عندك بيت تصرف عليه 
احسبها كويس 
واعرف ان السداد راح يكون على ٥ سنوات 
وشوف الي يبقى لك بيكفيك مصروف ولا 
وراح تقرر بعد الحسبه ذي كلها

ء.T_____T .ء

تقسط ليه ؟ انت تدري ان قسط السوناتا 1200 ريال لا وقسط الكامري 1700 !
اما النترا الشكل القديم ب800 والاكسنت حولها 650 ياربي لك الحمد والسوسو اذا تقدر عل 2010 مستعمل خذها لاتدشرها
انا بعت وحدة موديلها2007 واخذت 2011 وياليتني ماسويتها بس الحمدلله الخير واجد ومعي 2015 ومازلت اقولك إذا تقدر عل 2010 خذها هي السوناتا الوحيدة الي تستاهل الشراء

معرض الحميدي في النسيم عندهم صني 2014 ب 25 أصفار قير عايدي
مناسبة جدا لك ولاتحمل نفسك فوق طاقتك وراتبك أنت أولى بها
الصني حلوه ووسيعة ومكيف ثلج وأهم شي سعرها رخيص جدا

اللي يبي اقساط اهم شي لا يعدي ثلث الراتب

الأهلي بالتأجير المنتهي بالتمليك ينحرك نحر والله أكثر من إعلان للتنازل أشوفه بالموقع تلقى ربح البنك الأهلي خاصه ربح خرافي
لو تاخذ قرض شخصي من البنك أفضل و إذا مره مره محدود على التأجير مر بنك الراجحي ترا عندهم تأجير بدون تحويل راتب

اذا اخذ قرض بعطونة قليل ( صديقي موظف في شركة وراتبه 5000 وينزل على البنك الاهلي وناوي ياشري سيارة جديدة راح للوكلاء قالوا لان راتبك قليل لازم تدفع دفعة واجد فاراح للبنك وقدم على قرض وعطوه 48000 الف والقسط الشهري 2100 والفوائد 10% على 4 سنوات ) فا ياحبيبي زي ماقالوا الاخوان لاتاخذ سيارة اقساط ولا بيتعبونك

او على سنتين ماني متاكد

الله يعينك ويسهل امرك